Justice reunion. Muntik pa akong hindi makasama sa outing ng section ko nung 4th year, samu't saring sermon muna kasi ang natanggap ko mula sa ina ko bago ako makaaalis ng bahay. Pinapauwi ako ng maaga dahil ako ang kasama niya sa recognition ng kapatid ko. Bat pa kasi natapat pa sa araw na yun e. Napauwi tuloy ako ng wala sa oras, 4pm pa lang umalis na ko sa grasshut. Pero ayus na yun atleast nakapunta ako.

NSTP graduation. Alastres ang usapan pero ayun, anong oras na kami nakarating sa simbahan. Simple lang ang ayos ko nung araw na yon, parang may trabaho na raw ako dahil sa damit ko. Parang laro-laro lang ang graduation na yon, walang practice, hindi alam kung saan kami pupwesto, tapos hindi totoong diploma ang binigay samin kundi coupon bond na nakaribon. Hindi pa ako nasayahan sa pinakita nilang mga stolen shots sa projector dahil hindi ko man lang nakita ang mukha ko dun. Nakakainis pa kasi haggard na ang itsura ko nun nung nagkakita kami ni smiley. Haha. Kainis. Sana di ko na lang siya nakita. Pero okay na rin na nakita ko siya dahil baka sa enrollment ko na lang ulit makita yun. Natapos ang lahat..